ലിസ്ബണ്‍: അടുത്തവര്‍ഷം ലി്‌സ്ബണില്‍ നടക്കാന്‍ പോകുന്ന ലോകയുവജനസംഗമത്തിന്റെ പ്രത്യേക മധ്യസ്ഥരായി വിശുദ്ധ ജോണ്‍ പോള്‍രണ്ടാമനെയും വാഴ്ത്തപ്പെട്ട കാര്‍ലോ അക്കുറ്റിസിനെയും പ്രഖ്യാപിച്ചു. കര്‍ദിനാള്‍ മാനുവല്‍ ക്ലെമന്റെയാണ് ഇന്നലെ ഇതുസംബന്ധിച്ച പ്രഖ്യാപനം നടത്തിയത്. ജോണ്‍ പോള്‍ രണ്ടാമന്റെ ജന്മദിനംകൂടിയായിരുന്നു ഇന്നലെ.
Related Posts
ഓഗസ്റ്റ് 1 മുതല്‍ ആറുവരെ തീയതികളിലാണ് ലോകയുവജനസംഗമം. 1985 ല്‍ ജോണ്‍ പോള്‍ രണ്ടാമന്‍ മാര്‍പാപ്പയാണ് ലോകയുവജനസംഗമം ആരംഭിച്ചത്, മൂന്നുവര്‍ഷം കൂടുമ്പോള്‍ ലോകത്തിന്റെ വിവിധഭാഗങ്ങളില്‍ നിന്നുളള യുവജനങ്ങള്‍ മാര്‍പാപ്പയുടെ സാന്നിധ്യത്തില്‍ ഒരുമിച്ചുകൂടുന്ന സംഗമമാണ് ഇത്.
ഈ വര്‍ഷം ഓഗസ്റ്റിലായിരുന്നു ലോകയുവജനസംഗമം നടക്കേണ്ടിയിരുന്നത്. എന്നാല്‍ കോവിഡ് വ്യാപനത്തെ തുടര്‍ന്നാണ് സംഗമം അടുത്തവര്‍ഷത്തേക്ക് മാറ്റിയത്.
