യുക്രൈയ്ന്‍: കത്തോലിക്കാ സന്നദ്ധസംഘടനയായ എയ്ഡ് റ്റു ദ ചര്‍ച്ച് ഇന്‍ നീഡ യുക്രൈയിനിലെ വൈദികര്‍ക്കും സന്യാസികള്‍ക്കുമുളള അടിയന്തിരസഹായമായി ഒരു മില്യന്‍ ഡോളര്‍ നല്കി. വൈദികരും ബ്രദേഴ്‌സുമായി 4,879 പേരും 1,350 കന്യാസ്ത്രീകളുമാണ് യുക്രൈയ്‌നില്‍ സേവനം ചെയ്യുന്നത്. ഇവര്‍ക്കുവേണ്ടിയുള്ള പ്രാരംഭ സഹായം എന്ന നിലയ്ക്കാണ് ഈ തുക നല്കിയത്.
ഗ്യാസ് , വെള്ളം, ഇന്ധനം, ഭക്ഷണം, മറ്റുളളവരെ സഹായിക്കല്‍ എന്നീ ആവശ്യങ്ങള്‍ക്കായിട്ടാണ് ഈ തുക നല്കുന്നത്. ഓരോ ദിവസവും സ്ഥിതിഗതികള്‍ വഷളായിക്കൊണ്ടിരിക്കുകയാണ്. ബിഷപ് പാവ്‌ലോ അറിയിച്ചു. അത്യാവശ്യസാധനങ്ങള്‍ക്ക് അടിക്കടിവില വര്‍ദ്ധിച്ചുകൊണ്ടിരിക്കുകയാണ്. ഇത് വല്ലാത്തൊരു സാഹചര്യമാണ് സൃഷ്ടിച്ചിരിക്കുന്നത്.
എന്തു ഒഴിവാക്കണമെന്നാണോ ആഗ്രഹിച്ചത്, അതാണ് ഇപ്പോള്‍ സംഭവിച്ചുകൊണ്ടിരിക്കുന്നത്. യുക്രൈയ്ന്‍ എന്നത് യുദ്ധങ്ങളുടെ രാജ്യമാണ്. എയ്ഡ് റ്റു ദ ചര്‍ച്ച് ഇന്‍ നീഡ് എക്‌സിക്യൂട്ടീവ് പ്രസിഡന്റ് തോമസ് ഗെല്‍ഡേണ്‍ പറഞ്ഞു.
ലോകമെങ്ങുമുള്ള ക്രൈസ്തവരെ സഹായിക്കുക എന്ന ലക്ഷ്യത്തോടെ 1947 ലാണ് എയ്ഡ് റ്റു ദ ചര്‍ച്ച് ഇന്‍ നീഡ് സ്ഥാപിതമായത്. 2011 മുതല്‍ പൊന്തിഫിക്കല്‍ സ്ഥാപനമായി ഇതിന് അംഗീകാരവും ലഭിച്ചിട്ടുണ്ട്.
