ന്യൂഡല്‍ഹി: തടവില്‍ കഴിയവെ ആശുപത്രിയില്‍ അന്തരിച്ച ഫാ. സ്റ്റാന്‍ സ്വാമിയുടേത് എന്ന പേരില്‍ പ്രചരിക്കുന്ന ചിത്രങ്ങള്‍ വ്യാജം. കാലില്‍ ചങ്ങലയിട്ടു പൂട്ടി, ഓക്‌സിജന്‍ ട്യൂബും ഘടിപ്പിച്ച നിലയിലുള്ള വയോധികന്റെ ചിത്രമാണ് സ്റ്റാന്‍ സ്വാമിയുടേത് എന്ന പേരില്‍ ഇപ്പോള്‍ പ്രചരിക്കുന്നത്.
കാണുന്ന മാത്രയില്‍ തന്നെ ഹൃദയം തകര്‍ക്കുന്ന നിസ്സഹായതയും ദയനീയതയുമാണ് ഈ ചിത്രം പകര്‍ന്നുനല്കുന്നത്. വ്യാപകമായ രീതിയില്‍ ഈ ചിത്രം പ്രചരിപ്പിക്കപ്പെടുകയും ചെയ്തു. എന്നാല്‍ ഉത്തര്‍പ്രദേശ് ഇറ്റായിലെ ആശുപത്രിയില്‍ കഴിയുന്ന ബാബുറാം ബല്‍വന്‍ സിംഗ് എന്ന 92 കാരന്റെയാണ് ഈ ചിത്രം. കൊലപാതകക്കേസില്‍ ജീവപര്യന്തം തടവിന് ശിക്ഷിക്കപ്പെട്ടിരിക്കുന്ന വ്യക്തിയാണ്. ഇദ്ദേഹത്തെ ചങ്ങലയില്‍ ബന്ധിച്ചതിന് ജയില്‍ അധികൃതരെ ജോലിയില്‍ നിന്ന് സസ്‌പെന്റും ചെയ്തിട്ടുണ്ട്.
എന്‍ഡിടിവിയാണ് ഈ ചിത്രവും വാര്‍ത്തയും പുറത്തുവിട്ടിരിക്കുന്നത്.
