ഈ ചോദ്യത്തിന് വിശുദ്ധ ഗ്രന്ഥത്തില്‍ വ്യക്തമായ മറുപടി നല്കുന്നില്ല, എന്നാല്‍ ലഭ്യമായ ചില സൂചനകള്‍ വച്ച് ഇക്കാര്യത്തില്‍ നമുക്ക് നിഗമനത്തിലെത്താന്‍ കഴിയും.
അപ്പസ്‌തോലപ്രവര്‍ത്തനങ്ങള്‍ 1 : 14 ല്‍ നാം ഇങ്ങനെ വായിക്കുന്നു.
ഇവര്‍ ഏകമനസ്സോടെ യേശുവിന്റെ അമ്മയായ മറിയത്തോടും മറ്റ് സ്്ത്രീകളോടും അവന്റെ സഹോദരന്മാരോടുമൊപ്പം പ്രാര്‍ത്ഥനയില്‍ മുഴുകിയിരുന്നു.
ക്രിസ്തുവിന്റെ സ്വര്‍ഗ്ഗാരോഹണം നടക്കുമ്പോള്‍ മറിയം അവിടെയുണ്ടായിരുന്നതായി സൂചനകള്‍ ഇല്ല.പക്ഷേ ശിഷ്യന്മാര്‍ അവിടെയുണ്ടായിരുന്നുവല്ലോ. ശിഷ്യന്്മാരും മാതാവും ഒരുമിച്ചുപ്രാര്‍ത്ഥിക്കുകയായിരുന്നുവെന്നും നാം വായിക്കുന്നുണ്ട്.
അപ്പോള്‍ സ്വഭാവികമായും മാതാവ് സ്വര്‍ഗ്ഗാരോഹണത്തിന്റെ നിമിഷങ്ങളില്‍ സാക്ഷ്യം വഹിച്ചിരുന്നു എന്ന് ഊഹിക്കാം. പുരാതനകാലം മുതല്‌ക്കേയുള്ള പല ചിത്രീകരണങ്ങളിലും അപ്പസ്‌തോലന്മാര്‍ക്ക് നടുവില്‍ നില്ക്കുന്ന മറിയത്തെ സ്വര്‍ഗ്ഗാരോഹണത്തിന്റെ സാക്ഷിയായി അവതരിപ്പിച്ചിട്ടുമുണ്ട്.
9. ഇതു പറഞ്ഞു കഴിഞ്ഞപ്പോള്‍, അവര്‍ നോക്കി നില്‍ക്കേ, അവന്‍ ഉന്നതങ്ങളിലേക്ക്‌ സംവഹിക്കപ്പെട്ടു; ഒരു മേഘംവന്ന്‌ അവനെ അവരുടെ ദൃഷ്‌ടിയില്‍നിന്നു മറച്ചു.
10. അവന്‍ ആകാശത്തിലേക്കു പോകുന്നത്‌ അവര്‍ നോക്കിനില്‍ക്കുമ്പോള്‍, വെള്ളവ സ്‌ത്രം ധരി ച്ചരണ്ടുപേര്‍ അവരുടെ മുമ്പില്‍ പ്രത്യക്‌ഷപ്പെട്ടു
11. പറഞ്ഞു : അല്ലയോ ഗലീലിയരേ, നിങ്ങള്‍ ആകാശത്തിലേക്കു നോക്കിനില്‍ക്കുന്നതെന്ത്‌? നിങ്ങളില്‍നിന്നു സ്വര്‍ഗത്തിലേക്ക്‌ സംവഹിക്കപ്പെട്ട യേശു, സ്വര്‍ഗത്തിലേക്ക്‌പോകുന്നതായി നിങ്ങള്‍ കണ്ട തുപോലെതന്നെതിരിച്ചുവരും.
12. അവര്‍ ഒലിവുമലയില്‍ നിന്നു ജറുസലെമിലേക്കു മടങ്ങിപ്പോയി; ഇവ തമ്മില്‍ ഒരു സാബത്തുദിവസത്തെയാത്രാദൂരമാണു ള്ളത്‌.
13. അവര്‍ പട്ടണത്തിലെത്തി, തങ്ങള്‍ താമസിച്ചിരുന്ന വീടിന്‍െറ മുകളിലത്തെനിലയിലുള്ള മുറിയില്‍ ചെന്നു. അവര്‍, പത്രോസ്‌, യോഹന്നാന്‍, യാക്കോബ്‌, അന്ത്രയോസ്‌, പീലിപ്പോസ്‌, തോമസ്‌, ബര്‍ത്തലോമിയോ, മത്തായി, ഹല്‍പൈയുടെ പുത്രനായ യാക്കോബ്‌, തീവ്രവാദിയായ ശിമയോന്‍, യാക്കോബിന്‍െറ പുത്രനായ യൂദാസ്‌ എന്നിവരായിരുന്നു.
14. ഇവര്‍ ഏകമനസ്സോടെ യേശുവിന്‍െറ അമ്മയായ മറിയത്തോടും മറ്റു സ്‌ത്രീകളോടും അവന്‍െറ സഹോദരരോടുമൊപ്പം പ്രാര്‍ഥനയില്‍ മുഴുകിയിരുന്നു.