മനുഷ്യന്റെയും ശാസ്ത്രത്തിന്റെയും നിസ്സാരതകള്‍ വ്യക്തമാക്കിക്കൊണ്ട് വീണ്ടുമൊരു പകര്‍ച്ചവ്യാധിക്കാലം. കൊറോണ വൈറസ് നമ്മെ വീണ്ടും ആശങ്കപ്പെടുത്തിക്കൊണ്ട് മുന്നേറുകയാണ്. പ്രാര്‍ത്ഥന മാത്രമേ നമുക്ക് രക്ഷയുള്ളൂവെന്ന് ആത്മീയപിതാക്കന്മാരോരുരത്തരും നമ്മെ ഓര്‍മ്മിപ്പിച്ചുകൊണ്ടിരിക്കുന്നു. നമുക്ക് ദൈവത്തിന്‌റെ കരുണയെ ശരണം പ്രാപിക്കാം.
ഇതാ ഈ അവസരത്തില്‍ പകര്‍ച്ചവ്യാധികളില്‍ നിന്ന് മോചനം നേടാനായി നമുക്ക് ഇങ്ങനെ പ്രാര്‍ത്ഥിക്കാം.
കര്‍ത്താവായ ഈശോയേ അവിടുന്ന് കുരിശുവഹിച്ചതിന്റെയും കുരിശില്‍ സഹിച്ചതിന്റെയും യോഗ്യതകളാല്‍ രോഗം മൂലം വേദനയനുഭവിക്കുന്നവരെയും സഹിക്കുന്നവരെയും രോഗികളെയും അനുഗ്രഹിക്കണമേ. ലോക രക്ഷയ്ക്കായി അവതീര്‍ണ്ണനായവനേ ഓരോ രോഗികള്‍ക്കും അവരെ ശുശ്രൂഷിക്കുന്നവര്‍ക്കും ശക്തിയും ധൈര്യവും ക്ഷമയും നല്കണമേ. രോഗക്കിടക്കയില്‍ അങ്ങയുടെ ചൈതന്യം അവരില്‍ പ്രസരിക്കട്ടെ. ആമ്മേന്‍
