Related Posts
ഇസ്രായേല്‍: ഇസ്രായേലിലെ കേബിള്‍ ടെലിവിഷന്‍ നെറ്റ് വര്‍ക്കില്‍ നിന്ന് ഗോഡ് ടിവിയെ നീക്കം ചെയ്യാന്‍ ഇസ്രായേല്‍ തീരുമാനിച്ചു. യുഎസ് കേന്ദ്രമായി പ്രവര്‍ത്തിക്കുന്ന ഇവാഞ്ചലിക്കല്‍ ക്രിസ്ത്യന്‍ സ്റ്റേഷനാണ് ഗോഡ് ടിവി. ഈ ചാനല്‍ യഹൂദരെ സുവിശേഷവല്‍ക്കരിക്കുന്നുവെന്നാണ് ആരോപണം. ഇസ്രായേല്‍സ് കേബിള്‍ ആന്റ് സാറ്റലൈറ്റ് ബ്രോഡ്കാസ്റ്റിങ് കൗണ്‍സില്‍ ചെയര്‍മാന്‍ അഷെര്‍ ബിടോണ്‍ ഇതു സംബന്ധിച്ച് ഗോഡ് ടിവിയെ വിവരമറിയിച്ചു.
ഇസ്രായേലില്‍ ഗോഡ് ടിവി അറിയപ്പെടുന്നത് ഷെലാനു എന്ന പേരിലാണ്. കഴിഞ്ഞ ഏപ്രിലിലാണ് ഹീബ്രു ഭാഷയില്‍ ഇതിന് തുടക്കം കുറിച്ചത്. ഏഴുവര്‍ഷത്തെ ലൈസന്‍സും ഇസ്രായേല്‍ കമ്മ്യൂണിക്കേഷന്‍ മിനിസ്ട്രിയില്‍ നിന്ന് ലഭിച്ചിരുന്നു.
എന്നാല്‍ അതെല്ലാം കാറ്റില്‍ പറത്തിയാണ് ടെലിവിഷന്റെ സംപ്രേഷണാവകാശം നിഷേധിച്ചിരിക്കുന്നത്.
