മ്യൂണിച്ച്: ജര്‍മ്മനിയിലെ സെന്റ് എലിസബത്ത് ഫ്രാന്‍സിസ്‌ക്കന്‍ പ്രോവിന്‍സ് തങ്ങളുടെ സുപ്പീരിയറായി തിരഞ്ഞെടുത്തത് സ്വവര്‍ഗ്ഗപ്രവണത പരസ്യമായി വെളിപ്പെടുത്തി പുറത്തേക്ക വന്ന വൈദികനെ. ഫാ. മാര്‍ക്കസ് ഫുഹര്‍മാനാണ് ഈ വ്യക്തി.
ഏതാനും ആഴ്ചകള്‍ക്ക് മുമ്പാണ് ഫാ. മാര്‍ക്കസ് വിവാദമായ ഈവെളിപെടുത്തല്‍ നടത്തിയത്. വ്യവസ്ഥാപിതമായ രീതിയിലുളള കാപട്യം നിലനില്ക്കുന്ന കത്തോലിക്കാസഭയില്‍ തന്റെ ഈ വെളിപ്പെടുത്തല്‍ വളരെ പ്രധാനപ്പെട്ടതാണെന്ന് വിശ്വസിക്കുന്നതായും താന്‍ ഇങ്ങനെയായിരുന്നിട്ടും സഭയുടെയും ശുശ്രൂഷയുടെയും ഭാഗമായി നിലനില്ക്കുന്നുവെന്ന് വ്യക്തമാക്കാന്‍ വേണ്ടിയുമാണ് ഇങ്ങനെ വെളിപെടുത്തല്‍ നടത്തിയതെന്നും അദ്ദേഹം പറഞ്ഞിരുന്നു.
1971 ഓഗസ്റ്റ് 9 നാണ് ഇദ്ദേഹത്തിന്റെ ജനനം. സുപ്പീരിയറായി തിരഞ്ഞെടുക്കപ്പെടുന്നതിന് മുമ്പ് പ്രൊവിന്‍ഷ്യാല്‍ വികാരിയായിരുന്നു. കത്തോലിക്കാസഭയുടെ മതബോധനഗ്രന്ഥം സെക്ഷന്‍ 2357,2358,2359എന്നിവ സ്വവര്‍ഗ്ഗരതിയെക്കുറിച്ചുള്ള സഭയുടെ വ്യക്തമായകാഴ്ചപ്പാട് അവതരിപ്പിക്കുന്നു.
