സിറോ മലബാർ സഭയിൽ ഏകീകൃത വിശുദ്ധ കുർബാന അനുവദിക്കാൻ വേണ്ടി ജീവൻ നൽകാൻ തയ്യാറായി മുന്നോട്ട് വന്നിരിക്കുന്നഎറണാകുളത്തെ പാവങ്ങളുടെ പിതാവ് ബ്രദർ മാവുരൂസിന്റെ ജീവൻ അപകടത്തിലാണ് .എറണാകുളം-അങ്കമാലി അതിരൂപതയിൽ അർപ്പിക്കുന്ന ഏകീകൃത വിശുദ്ധ കുർബാന അനുവദിക്കാൻ വേണ്ടിവന്നാൽ ജീവൻ നൽകാനും തയ്യാറാണെന്ന് പ്രഖ്യാപിച്ച് 82 കാരനായ സന്യാസി,ബ്രദർ മാവുരൂസ് ഇന്ന് ഉച്ചയോടെ ഉപവാസം (സത്യഗ്രഹം) ആരംഭിച്ചു.
ഇത് എറണാകുളം അതിരൂപതയിൽ സൃഷ്ടിക്കുന്നത് വളരെ അസ്വസ്ഥജനകമായ ഒരു സാഹചര്യമാണ്, ഒരു സംശയവുമില്ല. കഴിഞ്ഞ അമ്പത് വർഷമായി, കൊച്ചി നഗരത്തിലെ പാവപ്പെട്ടവരുടെ പിതാവാണ് ബ്രദർ മാവുരൂസ് മാളിയേക്കൽ. അദ്ദേഹത്തിന്റെ വീട്ടിലേക്ക് ആർക്കും എപ്പോഴും സ്വാഗതം. രോഗികളുമായും അനാഥരുമായും തനിക്ക് ലഭിക്കുന്നത് അദ്ദേഹം പങ്കുവെക്കുന്നു.സിഎം ഐ സഭയിൽ നിന്നും പാവങ്ങളെ സേവിക്കാൻ വേണ്ടി തെരുവിലേക്ക് ഇറങ്ങിയ സന്യാസിയാണ് ബ്രദർ മാവുരൂസ്.സന്യാസ സഭയുടെ സംരക്ഷണത്തിൽ നിന്ന് പുറത്തുവരാനും ,തെരുവിൽ താമസിക്കുന്നവരിൽ ഒരാളാകാനും അദ്ദേഹം ആഗ്രഹിച്ചു.അനേകം കുട്ടികളെ സനാഥരാക്കിയ സാർത്ഥകജീവിതം എപ്പോൾ 82 വയസ്സിലാണ്.
ഏകീകൃത വിശുദ്ധ കുർബാനയ്‌ക്കായി ഉപവസിക്കാൻ തുനിഞ്ഞ ഈ 82 വയസ്സുള്ള ബഹുമാന്യനായ സന്യാസിയുടെ ആരോഗ്യത്തെക്കുറിച്ച് ഞാൻ വളരെയധികം ആശങ്കാകുലനാണ്. സഹോദരൻ മാവുരൂസിന്റെ ജീവൻ രക്ഷിക്കാൻ സഭ അടിയന്തിരമായി ഇടപെടണം.കൊച്ചിയിലെ ഒട്ടുമിക്ക തെരുവ് കുട്ടികൾക്കും പുതുജീവിതം നൽകിയതിന് കടപ്പെട്ടിരിക്കുന്ന ഒരേയൊരു വ്യക്തി ബ്ര.മാവുരൂസ് ആണ്.കൊച്ചിയിലെ തെരുവിലൂടെ സഞ്ചരിക്കുന്ന സാധകൻ.സീറോ മലബാർ സഭയിലെ ഏകീകൃത വിശുദ്ധ കുർബാന ക്രമം എറണാകുളം-അങ്കമാലി അതിരൂപതയിൽ നടപ്പിൽ വരുത്താൻ സത്യാഗ്രഹം നടത്തുന്ന ഈ സന്യാസിവര്യന്റെ ജീവൻ വളരെ വിലപ്പെട്ടതാണ്.അദ്ദേഹത്തിന്റെ വാക്കുകൾ വളരെ ആദരവോടെ വിശ്വാസികൾ കാണണം,കേൾക്കണം.അദ്ദേഹം ഉയർത്തുന്ന ആവശ്യങ്ങൾ അതിരൂപതാധികൃതർ പരിഗണിക്കണം.
ടോണി ചിറ്റിലപ്പിള്ളി
അൽമായ ഫോറം സെക്രട്ടറി ,സീറോ മലബാർ സഭ
