കൊച്ചി: എഫ്സിസി സന്യാസിനി സഭയില് നിന്ന് പുറത്താക്കപ്പെട്ട ലൂസി കളപ്പുരയുടെ കര്ത്താവിന്റെ നാമത്തില് എന്ന കൃതി കണ്ടുകെട്ടുന്നതിന് നടപടിയെടുക്കണമെന്ന് കേരള ഹൈക്കോടതി കേരള ഗവണ്മെന്റിനോട് ഉത്തവിട്ടു. സിആര്പിസി സെക്ഷന്-95 പ്രകാരം കണ്ടുകെട്ടാനാണ് ഉത്തരവ്.
അശ്ലീലതയും സഭാവിരുദ്ധതയും ദുരാരോപണങ്ങളും കുത്തിനിറച്ച ഈ കൃതിക്കെതിരെ വ്യാപകമായ പ്രതിഷേധം സഭാവിശ്വാസികളുടെ ഭാഗത്തുനിന്നുണ്ടായിരുന്നു. ഇതിന്റെ പേരില് പ്രക്ഷോഭം നടത്തിയ കത്തോലിക്കായുവജനങ്ങളെ പോലീസ് മര്ദ്ദി്ക്കുകയും അറസ്റ്റ് ചെയ്യുകയും ചെയ്തിരുന്നു.
അശ്ലീല പരാമര്ശങ്ങള് ഇളക്കിവിട്ട് ജനങ്ങളെ വഴിതെറ്റിക്കാനും തെറ്റായ വഴിയില് ചിന്തിക്കാനും പ്രേരണ നല്കുന്നതാണ് ഈ പുസ്തകമെന്ന് പൊതുവെ നിരീക്ഷിക്കപ്പെടുന്നു. സഭയോടും സഭാധികാരികളോടുമുള്ള വെറുപ്പും വിദ്വേഷവും ഈ പുസ്തകത്തില് ഉടനീളം പ്രതിഫലിക്കുന്നതായും പറയപ്പെടുന്നു.
