വിശുദ്ധ കുര്‍ബാന അര്‍പ്പിച്ചുകൊണ്ടിരുന്ന ദേവാലയത്തിലേക്ക് പ്രക്ഷോഭകാരികള്‍ മുദ്രാവാക്യം വിളിച്ചുകൊണ്ടെത്തി

ബ്രസീല്‍: ആഫ്രിക്കന്‍-ബ്രസീലിയന്‍സിന്റെ മരണത്തില്‍ പ്രതിഷേധിച്ച് ഇടതുപക്ഷ ആക്ടിവിസ്റ്റുകള്‍ നടത്തിയ പ്രക്ഷോഭം ദേവാലയത്തിനുള്ളിലും. ബ്രസീലിലെ റോസറി ദേവാലയത്തിലേക്കാണ് ആക്ടിവിസ്റ്റുകള്‍ അതിക്രമിച്ചുകയറിയത്. ഈ സമയം ദേവാലയത്തില്‍ വിശുദ്ധ കുര്‍ബാന അര്‍പ്പിക്കുകയായിരുന്നു.

അടുത്തയിടെ നടന്ന മരണത്തില്‍ പ്രതിഷേധിച്ച് ആക്ടിവിസ്റ്റുകള്‍ പള്ളിക്കുള്ളില്‍ നിന്ന് മുദ്രാവാക്യം മുഴക്കുകയും പതാക ഉയര്‍ത്തുകയും ചെയ്തു. വളരെ അപമാനകരമായ സംഭവമാണ് ഇവിടെ നടന്നതെന്ന് ക്യൂരിറ്റിബ ആര്‍ച്ച് ബിഷപ് പ്രതികരിച്ചു. വിചിത്രമായ പെരുമാറ്റമാണ് ആക്ടിവിസ്റ്റുകളില്‍ നിന്ന് ഉണ്ടായിരിക്കുന്നതെന്നും അദ്ദേഹം പ്രതികരിച്ചു.