വേള്‍ഡ് ട്രേഡ് സെന്റര്‍ ആക്രമണത്തിന്റെ 20 ാം വാര്‍ഷികത്തില്‍ ആ ചിത്രം ഒരിക്കല്‍കൂടി വൈറലായിരിക്കുകയാണ്. 9/11 ഗ്രൗണ്ട് സീറോയില്‍ അത്ഭുതപ്രകാശം പ്രത്യക്ഷപ്പെട്ടതും ഈശോയുടെ രൂപം അവിടെ കാണാവുന്നവിധത്തിലുള്ളതുമായ ഫോട്ടോയാണ് അത്. ന്യൂയോര്‍ക്ക് ആക്രമണത്തിന്റെ ഓര്‍മ്മ പുതുക്കിയ 2016 ലാണ് ഇങ്ങനെയൊരു അത്ഭുതദൃശ്യം പ്രത്യക്ഷപ്പെട്ടതും ഫോട്ടോഗ്രാഫര്‍ റിച്ചാര്‍ഡ് മക്കോര്‍മാക് അത് പകര്‍ത്തിയതും.
ഇരുപതാം വാര്‍ഷികം ആഘോഷിച്ച സെപ്തംബര്‍ 11 ന് റിച്ചാര്‍ഡ് ആ ഫോട്ടോ ഷെയര്‍ ചെയ്യുകയായിരുന്നു. ഈ പ്രകാശരശ്മി സൂം ചെയ്ത് നോക്കൂ. എന്തെങ്കിലും കാണുന്നുണ്ടോ.. ഞാനാണ് ഈ ഫോട്ടോ എടുത്തത്. ഇതൊരിക്കലും ഫോട്ടോഷോപ്പല്ല, ഇതില്‍ ഗിമ്മിക്കുകളുമില്ല. ഞാന്‍ എന്താണോ കണ്ടത് അത് പകര്‍ത്തുക മാത്രമേ ചെയ്തിട്ടുള്ളൂ. ഫോട്ടോഗ്രാഫര്‍ കുറിച്ചു. ഇത് ഫോട്ടോഷോപ്പാണെന്ന് വിശ്വസിക്കുന്നില്ലെന്നും അത്ഭുതപ്രകാശത്തില്‍ ഈശോയുടെ രൂപം കാണുന്നുണ്ടെന്നും നിരവധി പേര്‍ കുറിച്ചിട്ടുമുണ്ട്.
2996 പേരാണ് വേള്‍ഡ് ട്രേഡ് സെന്റര്‍ ആക്രമണത്തില്‍ കൊല്ലപ്പെട്ടത്.
