റാപ്പ് സംഗീത ലോകത്ത് ഏറെ പ്രശസ്തനാണ് കാനെ വെസ്റ്റ്. നല്ലൊരു ഫാഷന്‍ ഡിസൈനര്‍ കൂടിയാണ് ഇ്‌ദ്ദേഹം. കഴിഞ്ഞ ദിവസമാണ് അദ്ദേഹം ആരാധകരെ മുഴുവന്‍ അത്ഭുതപ്പെടുത്തിക്കൊണ്ട് ചില ക്രിസ്ത്യന്‍ ഐക്കണുകള്‍ ട്വീറ്റ് ചെയ്തത്.
പരിശുദ്ധ മാതാവിന്റെയും അപ്പസ്‌തോലന്മാരുടെയും ഉള്‍പ്പടെയുള്ള ക്രൈസ്തവ ഐക്കണുകളാണ് അദ്ദേഹം ട്വീറ്റ് ചെയ്തിരിക്കുന്നത്. എന്നാല്‍ അതിനുള്ള വിശദീകരണം നല്കിയിട്ടുമില്ല. മോശ പത്തുപ്രമാണങ്ങളുമായി നില്ക്കുന്നതാണ് ആദ്യത്തെ പോസ്റ്റ്. മിഖായേല്‍ മാലാഖയുടെയും അപ്പസ്‌തോലന്മാരുടെയും ഉള്‍പ്പടെയുള്ള മറ്റ് ഐക്കണുകളും ട്വീറ്റ് ചെയ്തിട്ടുണ്ട്.
31 മില്യന്‍ ഫോളവേഴ്‌സാണ് ഇദ്ദേഹത്തിന്റെ ട്വിറ്റര്‍ അക്കൗണ്ടിനുള്ളത്. ട്വീറ്റ് ചെയ്തതിന്റെ കാരണം വ്യക്തമല്ലെങ്കിലും മില്യന്‍ കണക്കിന് ഫോളവേഴ്‌സിലേക്ക് ക്രിസ്തീയ ഐക്കണുകള്‍ എത്തിച്ചേര്‍ന്നതിനെ വലിയൊരു കാര്യമായിട്ടു തന്നെയാണ് വിശ്വാസികള്‍ വിലയിരുത്തുന്നത്.
