മ്യൂണിക്ക്: ജര്‍മ്മനിയിലെ കത്തോലിക്കാ സഭയില്‍ നിന്ന് വന്‍തോതില്‍ വിശ്വാസികളുടെ കൊഴിഞ്ഞുപോക്ക്. മ്യൂണിക്ക്- ഫ്രെയ്‌സിങ് അതിരൂപതയാണ് ഇക്കാര്യം വെളിപെടുത്തിയിരിക്കുന്നത്.
രൂപതയില്‍ നിന്ന് കഴിഞ്ഞവര്‍ഷം 10,744 കത്തോലിക്കരാണ് സഭ വിട്ടുപോയിരിക്കുന്നത്. 2018 ലേതിനെക്കാള്‍ അഞ്ചു ശതമാനം വര്‍ദ്ധനവാണ് ഇത് രേഖപ്പെടുത്തിയിരിക്കുന്നത്. ഇതിന് മുമ്പ് 1992 ലായിരുന്നു ഏറ്റവും കൂടുതല്‍ കൊഴിഞ്ഞുപോക്ക് രേഖപ്പെടുത്തിയിരുന്നത്.9,010 ആയിരുന്നു അന്നത്തെ സംഖ്യ,
വിവിധ കാരണങ്ങള്‍കൊണ്ടാണ് കൊഴിഞ്ഞുപോക്ക് സംഭവിച്ചിരിക്കുന്നത് എന്ന് ജര്‍മ്മനിയിലെ മാധ്യമങ്ങള്‍ റിപ്പോര്‍ട്ട് ചെയ്യുന്നു. ചര്‍ച്ച് ടാക്‌സ്, വൈദികര്‍ക്ക് നേരെയുള്ള ലൈംഗികാപവാദം, സഭയില്‍ സ്ത്രീകളുടെ പങ്കാളിത്തം എന്നിവയെല്ലാം അവയില്‍ ചിലതുമാത്രമാണെന്ന് ചൂണ്ടികാണിക്കപ്പെടുന്നു. കത്തോലിക്കര്‍ 8-9 ശതമാനം ഇന്‍കം ടാക്‌സ് ഗവണ്‍മെന്റിന് നല്‌കേണ്ടതുണ്ട്.
